Saltar ao contido
Actualidade

O PSdeG-Santiago valora que “As enquisas de hoxe confirman que o PSdeG está no bo camiño para recuperar a confianza da veciñanza”

“Non imos fallarlle á veciñanza de Compostela”, di Aitor Bouza tras a publicación da enquisa publicada por La Voz de Galicia, que reflicte unha recuperación do apoio ao Partido Socialista na cidade respecto á publicada hai un ano.

Bouza criticou a xestión da actual alcaldesa, asegurando que “Santiago está sumida nunha parálise evidente. As veciñas e veciños merecen algo máis ca un goberno que vive de vender fume. Precisa un executivo que atenda as necesidades reais da cidade e non perda o tempo en propaganda”.

Santiago de Compostela, 25 de maio de 2025. O secretario xeral do PSdeG de Santiago, Aitor Bouza, valorou hoxe a enquisa publicada por La Voz de Galicia, que reflicte unha recuperación do apoio ao Partido Socialista na cidade respecto á publicada hai un ano: “A veciñanza entendeu o novo rumbo do Partido Socialista na cidade. Estes datos amosan que estamos a reconstruír o vínculo coa cidadanía e a camiñar na boa dirección”.

Bouza salientou que os resultados da enquisa publicada hoxe chegan tras un contexto adverso para a organización local, e subliñou que “o PSdeG recupera forza incluso nestas circunstancias e demostra que é un actor político imprescindible para manter e, por que non, liderar un futuro goberno progresista en Compostela”.

O secretario xeral foi claro ao sinalar que “non nos conformamos, pero entendemos a mensaxe da cidadanía: hai vontade de volver confiar no PSdeG. Queremos recuperar os resultados que nos levaron á Alcaldía e devolverlle á veciñanza a ilusión por unha Compostela mellor”.

Bouza criticou a xestión da actual alcaldesa, asegurando que “Santiago está sumida nunha parálise evidente. A veciñanza merece algo máis ca un goberno que vive de vender fume. Precisa un executivo que atenda as necesidades reais da cidade e non perda o tempo en propaganda”.

Finalmente, asegurou que o partido seguirá traballando xunto ao Grupo Municipal Socialista con humildade e ambición para recuperar a confianza cidadá: “Imos dar o mellor de nós para construír unha alternativa ampla e transformadora. Sabemos que Compostela está agardando polo Partido Socialista, e non lle imos fallar”.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]