Saltar ao contido
Actualidade

O PSdeG reclama máis información e apoio ao comercio nas obras do barrio verde de Pontepedriña

Marta Abal advirte de que a falta de diálogo inicial xera incerteza entre a veciñanza e os negocios afectados.

A concelleira socialista pide “escoita activa, coordinación e acompañamento” durante todo o proceso.

O grupo socialista reclama tamén un plan de dinamización para reforzar o barrio tras as obras.

O Grupo Municipal Socialista defendeu no último pleno unha proposición para mellorar a información á veciñanza e apoiar ao comercio durante as obras do barrio verde de Pontepedriña, unha iniciativa que foi aprobada.

Abal destacou que se trata dunha actuación importante para o barrio, pero advertiu de que “se perdeu unha oportunidade valiosa para incorporar desde o inicio as demandas das veciñas, veciños e negocios afectados”, o que, ao seu xuízo, explica “boa parte da preocupación que existe hoxe”.

A concelleira socialista sinalou que o problema non reside unicamente nas obras, senón tamén na súa xestión, que cualificou de “insuficiente en termos de información e coordinación”.

Neste sentido, denunciou que moitos comercios “seguen tendo dúbidas básicas” sobre cuestións clave como a continuidade das terrazas, a organización da carga e descarga ou as condicións de acceso para a clientela.

“Hai aspectos que probablemente xa non teñen solución, pero iso non pode ser unha escusa para seguir actuando do mesmo xeito”, advertiu.

Por iso, o Grupo Municipal Socialista reclamou un cambio na forma de xestionar o proxecto e instou ao Goberno local a practicar “unha escoita activa real”, acompañada de “información clara, coordinación e acompañamento durante todo o proceso”.

Ademais, Abal puxo o foco na necesidade de apoiar ao tecido comercial do barrio e reclamou a posta en marcha de medidas específicas que minimicen o impacto das obras.

En particular, defendeu a creación dun plan de dinamización que “non só permita soster a actividade durante as obras, senón tamén reactivar e fortalecer o barrio unha vez rematen”.

Por último, a concelleira socialista agardou que, tras a aprobación da iniciativa, “se traduza en feitos e nunha mellor xestión do impacto destas obras en Pontepedriña”.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]