Saltar ao contido
Actualidade

O PSdeG-PSOE de Santiago valora positivamente a declaración da cidade como zona tensionada e esixe á Xunta que non poña atrancos

O PSdeG de Santiago defende que a declaración da cidade como zona de mercado residencial tensionado é unha ferramenta clave para frear a escalada dos prezos do alugueiro e facer efectivas as políticas públicas de vivenda.

O voceiro socialista Gumersindo Guinarte alerta de que “a vivenda é o problema que máis preocupa aos composteláns e compostelás” e pide á Xunta que “non bloquee unha medida fundamental para garantir este dereito”.

Santiago de Compostela, 27 de maio de 2025. O Grupo Municipal do PSdeG-PSOE de Santiago de Compostela celebra a decisión do Goberno municipal de declarar a cidade como zona residencial tensionada, unha medida que as e os socialistas viñan reclamando dende hai máis dun ano e medio, ante a crecente dificultade de acceso á vivenda por parte da veciñanza.

“Alégranos que o Goberno municipal declarase Santiago de Compostela como zona tensionada, algo que as e os socialistas vimos reclamando dende fai ano e medio”, declarou o voceiro socialista, Gumersindo Guinarte, quen advertiu de que agora “o que cómpre é que esta medida aprobada no ámbito municipal non atope atrancos no ámbito da xestión da Xunta de Galicia. Que a Xunta de Galicia, por tanto, non poña atrancos, senón todo o contrario, para que isto sexa unha realidade”.

Guinarte lembrou que “a vivenda é o problema que máis preocupa ás e aos cidadáns de Santiago de Compostela”, e advertiu que a cidadanía non entendería que a Xunta bloquease unha medida tan necesaria para garantir o dereito a unha vivenda digna. Neste sentido, afirmou que “non imos consentir que a Xunta paralice esta medida fundamental para a cidade por intereses partidistas ou por falta de vontade política”.

As e os socialistas de Compostela consideran que a declaración como zona de mercado residencial tensionado é unha ferramenta imprescindible para frear a escalada dos prezos do alugueiro e permitir que as políticas públicas de vivenda sexan efectivas. “Esta medida o que pretende é topar os prezos para que a vivenda sexa un dereito asequible para os cidadáns e as cidadás, e que este dereito poida ser realmente unha realidade efectiva e non unha simple quimera”, concluíu Guinarte.

Desde o PSdeG de Santiago instan á Xunta de Galicia a colaborar activamente e poñerse do lado da veciñanza, asumindo a súa responsabilidade institucional en lugar de frear avances necesarios para garantir o benestar da cidadanía compostelá.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]