Saltar ao contido
Actualidade

O PSdeG pide explicacións ao Goberno de Sanmartín tras o derrubamento dun muro no antigo cemiterio de Bonaval

Marta Abal reclama transparencia sobre as actuacións realizadas nos muros de titularidade municipal e esixe un plan de intervención “claro e calendarizado” para garantir a seguridade e a conservación do patrimonio.

Os socialistas lembran que existe un estudo de 2022 que xa analizaba o estado de conservación destes elementos e as medidas correctivas necesarias.

O Grupo Municipal Socialista levará ao pleno deste mes unha pregunta dirixida ao Goberno da señora Sanmartín para coñecer que actuacións realizou durante o mandato en relación ao mantemento e conservación dos muros de titularidade municipal, tras o derrubamento parcial dun dos muros do antigo cemiterio de Bonaval rexistrado hai dez días.

Segundo explicou a concelleira socialista Marta Abal, “hai 10 días un dos muros que albergan os nichos do antigo cemiterio de Bonaval derrubouse froito das intensas choivas deste inverno”, unha situación que, ao seu xuízo, puxo de manifesto a necesidade de revisar o estado destes espazos.

Abal lembrou que “xa nese momento, desde o Grupo Municipal Socialista, amosamos a nosa preocupación polo mantemento deste espazo, tanto no que ten que ver coa conservación do patrimonio, como no relativo á seguridade das persoas”, advertindo de que non se trata só dunha cuestión estética ou patrimonial, senón tamén de prevención de riscos.

Neste contexto, a edil sinalou que existe “un estudo de finais do ano 2022” que “analizaba o estado de conservación e as medidas correctivas que había que adoptar en muros de titularidade municipal de Santiago”, polo que considera necesario coñecer que medidas se adoptaron desde entón.

Por iso, segundo indicou, “no pleno deste mes de febreiro, preguntámoslle ao Goberno local que fixo durante este mandato para manter e conservar en bo estados muros”, reclamando información detallada sobre as actuacións levadas a cabo.

A concelleira explicou que desde o Grupo Socialista “pedimos transparencia, coñecer as actuacións realizadas e a planificación das futuras, así como a súa dotación económica”, ao entender que a conservación do patrimonio e a seguridade nos espazos públicos deben formar parte dunha planificación estruturada e non de respostas puntuais tras os incidentes.

Neste sentido, Abal concluíu que “só a través dun plan de intervención claro e calendarizado podemos previr que accidentes en espazos públicos como o de Bonaval se repitan”, instando ao executivo local a ofrecer explicacións e a presentar unha folla de ruta concreta.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]