Saltar ao contido
Actualidade

O PSdeG denuncia a falta de transparencia de Sanmartín sobre o mantemento dos viais do rural

Marta Abal advirte de que desde distintos puntos do rural están trasladando problemas graves de mantemento que non están sendo atendidos e reclama ao goberno local que aclare as actuacións previstas.

As e os socialistas esixen coñecer as pavimentacións que se están executando, as previstas para os próximos meses e os criterios técnicos para priorizalas, unha información imprescindible para facer un seguimento rigoroso do Pacto polo Rural.

A concelleira do Grupo Municipal Socialista Marta Abal reclamou ao goberno da señora Sanmartín transparencia e planificación sobre as actuacións de mantemento e pavimentación dos viais do rural compostelán, despois de que veciñas e veciños de distintos puntos estean trasladando problemas que continúan sen solución.

Abal lembrou que as e os socialistas xa advertiron no último Pleno de que “as actuacións para o cumprimento do Pacto polo Rural teñen que ir acompañados de transparencia, planificación e información para os veciños e veciñas do rural compostelán”, unha esixencia que cobra especial relevancia ante as deficiencias que se están detectando.

Neste sentido, a concelleira explicou que “desde distintos ámbitos do rural están a trasladarnos que existen problemas graves de mantemento dos viais que non están sendo atendidos” e advertiu de que, ao mesmo tempo, a veciñanza “descoñece se se lles vai poñer solución nunha época do ano que é a máis axeitada para realizar estes traballos”.

Por iso, Abal reclamou ao goberno local “que sexa transparente coas actuacións de pavimentación que se están executando e cales ten previstas para os próximos meses”, así como cos “criterios técnicos que se empregan para priorizalas”, para que a veciñanza poida coñecer cando e como se vai actuar.

A socialista incidiu en que se trata dunha información que dende o grupo municipal socialista “xa solicitamos en reiteradas ocasións, tanto no ámbito rural como no urbano” e que resulta “imprescindible” para coñecer a planificación municipal e avaliar o cumprimento dos compromisos adquiridos co rural.

Para finalizar, Abal subliñou que “só con esa transparencia podemos facer un seguimento rigoroso do Pacto polo Rural, ter trazabilidade sobre o destino dos recursos públicos” e tamén “contribuír a detectar necesidades e mellorar a xestión dos recursos dispoñibles”.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]