Saltar ao contido
Actualidade

O PSdeG acusa á Xunta de discriminar a alumnado da Barcia ao non cubrir dúas baixas de enfermaría

Aitor Bouza denuncia un caso de “discriminación” provocado pola “neglixente actuación” da Consellería de Educación e reclama explicacións e responsabilidades políticas inmediatas.

O secretario xeral do PSdeG de Santiago e deputado no Parlamento de Galicia, Aitor Bouza, esixiu explicacións e responsabilidades políticas á Consellería de Educación tras coñecerse que 12 alumnos e alumnas do colexio de educación especial da Barcia tiveron que regresar ás súas casas pola falta de cobertura das baixas de dúas profesionais de enfermaría.

Bouza denunciou que a situación non pode xustificarse como un problema sobrevido nin inesperado, xa que se trata dunha cuestión que á Consellería de Educación non lle “collera por sorpresa”. Segundo advertiu, os responsables autonómicos coñecíana “dende hai tempo” e, malia iso, “non puxeron ningún tipo de solución” para evitar que estes rapaces e rapazas visen afectados os seus dereitos.

O deputado socialista cualificou o sucedido como un “claro exemplo de discriminación” e lamentou que a inacción da Xunta acabase provocando que unha parte do alumnado non puidese desenvolver a súa actividade lectiva con normalidade. Ao seu xuízo, trátase dunha consecuencia directa da “neglixente actuación da Consellería de Educación”.

Neste sentido, advertiu de que o acontecido na Barcia constitúe un “claro ataque aos dereitos fundamentais dos rapaces” e reclamou unha resposta inmediata por parte do Goberno galego. “Teñen que dar explicacións inmediatas”, afirmou Bouza, quen insistiu en que tamén deben asumirse “responsabilidades políticas inmediatas” por unha situación que considera absolutamente inaceptable.

O secretario xeral das e dos socialistas composteláns subliñou ademais que este episodio “non pode pasar como unha cuestión desapercibida” nin ser tratado como unha incidencia máis dentro do sistema educativo. Pola contra, reclamou á Xunta que actúe “de inmediato” para reverter a situación de “absoluta discriminación” que, segundo denunciou, se está a producir no centro.

Bouza asegurou que o alumnado afectado non pode seguir soportando as consecuencias dunha mala xestión e concluíu lembrando que “o alumnado non pode pagar a mala xestión da Xunta de Galicia e da Consellería de Educación do señor Rueda”, á que responsabilizou directamente do sucedido.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]