Saltar ao contido
Actualidade

O Partido Socialista trasládalle á veciñanza de Laraño o seu apoio e reclama á Delegación do Goberno a instalación de paneis transparentes

O secretario xeral, Aitor Bouza, quixo poñer en valor “a paciencia e o traballo da Asociación de Veciños de Laraño para conseguir este cambio e tamén a implicación do Delegado do Goberno neste asunto para atopar unha solución na defensa dos veciños e veciñas da nosa cidade.”

Santiago de Compostela, 25 de febreiro de 2025. O Partido Socialista de Santiago culminou no día de onte unha ronda de contactos coa veciñanza da Asociación de Veciños de Laraño e a Delegación do Goberno para reclamar unha solución na liña do reclamado pola veciñanza da zona.

Ao longo do día de onte representantes do Partido na cidade e do Grupo Municipal, a concelleira Marta Abal e o voceiro Gumersindo Guinarte, mantiveron unha xuntanza con directivos/as da Asociación de Laraño para trasladarlle o seu apoio absoluto ás reivindicacións que se levan facendo por parte destes no que respecta á súa instalación de paneis opacos antirruído que están previstos e que xeran grandes problemas á cidadanía da parroquia.

Posteriormente mantívose unha xuntanza co delegado do Goberno en Galicia, Pedro Blanco Lobeiras, na que participaron o voceiro socialista no concello de Santiago, Gumersindo Guinarte e o secretario xeral, Aitor Bouza, para trasladar a situación dos paneis na citada parroquia.

As e os socialistas fixeron súas as reivindicacións da Asociación e reclamaron que os paneis antirruído que se van a instalar sexan transparentes e permitan pasar a luz. Na xuntanza mantida, o delegado do goberno mantívose confiado en poder alcanzar esta modificación, aínda que supoña un incremento orzamentario sobre o inicialmente previsto.

O secretario xeral, Aitor Bouza, quixo poñer en valor “a paciencia e o traballo da Asociación de Veciños de Laraño para conseguir este cambio e tamén a implicación do Delegado do Goberno neste asunto para atopar unha solución na defensa dos veciños e veciñas da nosa cidade.”

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]