Saltar ao contido
Actualidade

Bouza esixe a Rueda que actúe ante o novo colapso das Urxencias do CHUS

Aitor Bouza denuncia que a saturación das Urxencias volve converterse nun problema recorrente e reclama medidas inmediatas para evitar que a cidadanía reciba “unha sanidade de segunda”.

O deputado socialista volverá levar a situación ao Parlamento de Galicia e esixe directamente a Alfonso Rueda que se implique ante a falta de resposta do xerente da área sanitaria.

O secretario xeral do PSdeG de Santiago e deputado autonómico, Aitor Bouza, esixiu directamente ao presidente da Xunta, Alfonso Rueda, que se implique e adopte medidas inmediatas ante un novo colapso nas Urxencias do CHUS, para evitar que esta situación se converta en habitual e garantir unha atención sanitaria pública de calidade en Santiago e en toda a súa área de influencia.

Bouza advertiu de que “novamente volvemos a ver un novo colapso nas urxencias do CHUS” e respaldou as demandas da Asociación de Pacientes, que reclama “xustamente unha sanidade pública de calidade”. Para o socialista, a reiteración destes episodios evidencia que a Xunta segue sen dar unha resposta eficaz a un problema que afecta directamente ás persoas usuarias do complexo hospitalario.

O deputado socialista lamentou que, despois das reiteradas reclamacións realizadas, “xa non sabemos que facer, que reclamar á Xunta de Galicia para que se tomen medidas inmediatas, urxentes”. Neste sentido, esixiu unha solución que dea garantías de que “ninguén vai a ter que ter unha sanidade de segunda polo simple feito de ter que acudir ás Urxencias do CHUS”.

Ante a falta de avances, Bouza anunciou que o PSdeG volverá levar esta situación ao Parlamento de Galicia, pero desta volta quere “ir un pouquiño máis alá”. Así, despois de reclamar responsabilidades políticas sen que “se acometeu ningún tipo de decisión ao respecto”, os socialistas esixirán directamente a Alfonso Rueda “que adopte medidas para que isto non volva a ocorrer” e evitar que o colapso sexa “a tónica habitual”.

Para finalizar, Bouza explicou que esta reclamación se dirixe xa directamente ao presidente da Xunta porque “o xerente da área sanitaria pasa olímpicamente de atender” as demandas das persoas que precisan da sanidade pública. Por iso, fronte a unha xerencia que considera que “o único que fai é estar por estar”, esixiu a Rueda “que se implique en buscar unha solución neste ámbito no CHUS”, un complexo fundamental “para Galicia, para Santiago de Compostela e para todas as persoas da área de influencia de Santiago”.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]