Saltar ao contido
Actualidade

O Partido Socialista esixe explicacións a Sanmartín polo deterioro da plataforma do aparcadoiro de Xoán XXIII

O Grupo Socialista alerta do grave deterioro da plataforma de Xoán XXIII e reclama ao Goberno Local de Sanmartín explicacións e actuacións inmediatas para recuperar o espazo danado.

Santiago de Compostela, 26 de maio de 2025. O grupo municipal socialista de Santiago de Compostela presentará no vindeiro Pleno do 3 de xuño unha pregunta formal ao Goberno local en relación ao estado de deterioro da plataforma do aparcadoiro de Xoán XXIII.

O portavoz socialista, Gumersindo Guinarte, explicou que «no anterior mandato acometéronse obras de adecentamento e restauración dese espazo co obxectivo de mellorar a súa funcionalidade e integración urbana». Non obstante, nos últimos meses observouse «un deterioro importante e a aparición de danos moi relevantes, especialmente no muro construído para dotar o espazo dunha estrutura máis axeitada».

Ante esta situación, o Partido Socialista reclama ao executivo municipal de Sanmartín que aclare se ten coñecemento das causas e da autoría dos danos, e que concrete os prazos previstos para acometer as obras de rehabilitación necesarias. “O que queremos saber é por que se produciron estes danos, quen os causou, e sobre todo, cando se van corrixir para devolverlle ao espazo o seu estado previo”, indicou Guinarte.

As e os socialistas consideran urxente a actuación para evitar que o deterioro continúe e poida supoñer riscos para a seguridade ou o uso cidadán deste espazo público estratéxico da cidade.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]