Saltar ao contido
Actualidade

O PSdeG denuncia a parálise urbanística do Goberno de Sanmartín tras caer a mínimos a construción de vivenda en Santiago

Marta Abal advirte de que os datos publicados polo Colexio Oficial da Arquitectura Técnica da Coruña son “moi preocupantes” e evidencian “un problema estrutural de oferta de vivenda en Santiago” ante a falta de desenvolvemento residencial na cidade.

Os socialistas cargan contra a falta de planificación do Goberno municipal, que mantén bloqueado solo previsto no PXOM mentres aumenta a demanda e medran as dificultades de acceso á vivenda en Compostela.

A concelleira do Grupo Municipal Socialista Marta Abal advertiu de que os datos publicados polo Colexio Oficial da Arquitectura Técnica da Coruña “son moi preocupantes” e “evidencian un problema estrutural de oferta de vivenda en Santiago”, despois de coñecerse que no primeiro trimestre de 2026 só se visaron 18 vivendas novas na cidade, fronte ás 101 do mesmo período de 2019.

A edil socialista lembrou que esta caída da construción prodúcese “nun contexto de forte demanda” e puxo o foco nos datos oficiais do Instituto Galego de Vivenda e Solo, que sitúan en 1.813 as persoas inscritas no Rexistro Único de Demandantes de Vivenda para Santiago de Compostela.

“O problema é que esa demanda non atopa resposta suficiente porque falta oferta efectiva”, advertiu Abal, que sinalou que unha das causas desta situación é que “boa parte do solo residencial previsto segue sen desenvolverse”.

Neste sentido, lembrou que os datos do Ministerio de Vivenda confirman que Santiago é o segundo municipio de Galicia con máis capacidade residencial pendente de desenvolver, con ámbitos previstos no PXOM aínda sen executar en zonas como Cancelas-A Muíña, Amio Norte, A Pulleira ou Agra dos Campos-Aríns.

“Falta oferta efectiva, entre outras razóns, porque boa parte do solo residencial previsto segue sen desenvolverse”, insistiu a concelleira socialista, que reclamou unha resposta estrutural ante un dos principais problemas da cidade.

Por iso, desde o Grupo Municipal Socialista insisten na necesidade dunha “planificación estratéxica da vivenda a medio prazo”, centrada en desbloquear e desenvolver o solo previsto no PXOM, mobilizar vivenda baleira e incrementar a oferta real de vivenda dispoñible.

Ademais, os socialistas consideran “imprescindible axilizar a tramitación administrativa aproveitando a ferramenta de administración electrónica da que xa dispón o Concello para mellorar procesos, reducir tempos e facer máis eficiente a concesión de licencias”.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]