Saltar ao contido
Actualidade

O PSdeG acusa ao Goberno de Sanmartín de licitar o maior contrato de transporte sen diálogo coa veciñanza

Marta Abal denuncia que o Goberno de Sanmartín licita o maior contrato de transporte da historia “sen contar coa veciñanza” e deixa parroquias como Busto sen cobertura.

A concelleira socialista critica unha forma de gobernar baseada en decidir primeiro e escoitar despois.

Santiago de Compostela, 17 de marzo de 2026. A concelleira do Grupo Municipal Socialista Marta Abal criticou a forma na que o Goberno da señora Sanmartín está a tramitar o novo contrato de transporte urbano e advertiu de que se está facendo “sen contar coa veciñanza” nunha decisión clave para a cidade.

Abal sinalou que o executivo municipal “volve actuar cunha lóxica de todo para o pobo pero sen o pobo”, xa que “é unha vez que os pregos están redactados e o procedemento en marcha cando lle explican á cidadanía como lles vai afectar”.

A concelleira socialista denunciou que é agora cando o Goberno de Sanmartín recolle as achegas veciñais “co compromiso de telas en conta”, escudándose en que este modelo de contrato é flexible e permite modificacións. Porén, advertiu de que “a realidade é que o contrato de transporte urbano co maior orzamento da historia de Santiago deixa parroquias como Busto sen servizo”.

Neste sentido, Abal subliñou que “unha decisión tan importante como o funcionamento do servizo de transporte público non pode tomarse de costas á cidadanía” e insistiu en que “non se pode decidir primeiro e reunirse despois co tecido veciñal para atender as súas demandas; a orde debe ser a contraria”.

A concelleira socialista criticou que o Goberno local estea invertendo a orde lóxica da participación e advertiu de que “a orde das accións é á inversa”, cando o que corresponde é escoitar primeiro e decidir despois.

Por iso, Abal reclamou un cambio na forma de gobernar e asegurou que “Santiago precisa un goberno que escoite antes de actuar, que dialogue, que constrúa consensos e que conte coa xente desde o principio”.

Segundo sinalou, “só así se poderán deseñar servizos públicos que funcionen e cheguen a todos”, garantindo unha cobertura adecuada en todos os barrios e parroquias do municipio.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]