Saltar ao contido
Actualidade

O PSdeG denuncia a falta de previsión do goberno de Sanmartín coas cafetarías dos parques municipais

Gumersindo Guinarte advirte de que Santiago pode quedar un ano máis sen este servizo e acusa ao executivo local de repetir os mesmos erros do pasado verán.

O voceiro socialista critica que, a poucos días da primavera, o goberno segue sen licitar o servizo e sen ofrecer explicacións.

O voceiro do Grupo Municipal Socialista, Gumersindo Guinarte, advertiu de que, a poucos días da chegada da primavera, Santiago pode quedar un ano máis sen poder desfrutar das cafetarías dos parques municipais e responsabilizou ao goberno da señora Sanmartín desta situación pola súa falta de previsión e planificación.

Guinarte lembrou que o pasado ano “a falta de previsión e de axilidade do goberno local para licitar a tempo o servizo das cafetarías dos parques Eugenio Granell, A Granxa do Xesto e O Berce do Sar provocou que o concurso quedase deserto en pleno verán”, e advertiu de que “isto non foi produto dunha casualidade”, senón consecuencia directa da xestión do executivo municipal.

O voceiro socialista explicou que “as empresas que poden estar interesadas neste servizo precisan que se licite con tempo suficiente para traballar e obter rendibilidade económica durante a primavera e o verán”, que son os meses de maior actividade. Por iso, criticou que, pese a que o goberno se comprometeu a sacar de novo o concurso axiña, “a día de hoxe seguimos sen ter ningunha información sobre o futuro destas cafetarías que ofrecen un servizo tan necesario e demandado polos veciños e veciñas de Santiago”.

Guinarte advertiu de que esta falta de planificación volve poñer en risco un servizo demandado pola cidadanía e insistiu en que a situación evidencia unha maneira de gobernar baseada na improvisación e na ausencia de previsión. Ao seu xuízo, non é admisible que a poucos días da mellor tempada para o seu funcionamento o executivo municipal siga sen mover ficha.

Por iso, anunciou que o Grupo Municipal Socialista preguntará no pleno deste mes cando pensa o goberno municipal licitar este servizo “para que as cafetarías poidan funcionar na súa mellor tempada en condicións atractivas para que haxa empresas interesadas en presentarse”, e advertiu de que o executivo local “xa vai tarde coa licitación do concurso”.

Actualidade

Máis novas

Actualidade

O PSdeG reivindica nas rúas de Santiago o dereito á vivenda e os salarios dignos fronte ás políticas do PP e Vox

Aitor Bouza defendeu a mobilización da clase traballadora contra a especulación e carga contra o Partido Popular polos seus ataques aos sindicatos e por situarse do lado dos especuladores. O candidato socialista ao Senado, Gumersindo Guinarte, denunciou que PP e Vox bloquearon reiteradamente no Congreso medidas impulsadas polo Goberno de Pedro Sánchez para garantir o […]

Actualidade

O PSdeG denuncia que o Goberno de Sanmartín deixa ás asociacións veciñais apenas dous días para xustificar as subvencións

Gumersindo Guinarte critica que as axudas non se aprobasen ata este luns, día 9, cando o prazo de xustificación remata o mércores 11, coincidindo ademais coa folga xeral. Os socialistas denuncian tamén a redución de 8.000 euros no orzamento da convocatoria e cuestionan que a concesión das axudas se comunicase por correo electrónico en lugar […]

Actualidade

Pedro Blanco sitúa a mobilidade e os equipamentos públicos entre as prioridades para Santa Marta

Abordou coa veciñanza a situación da mobilidade na contorna do Complexo Hospitalario Universitario de Santiago (CHUS), especialmente ante a súa ampliación, e reclama a Xunta e Concello coordinación e transparencia sobre o proxecto para prever solucións nos accesos e o estacionamento. O candidato socialista á Alcaldía agradeceu á asociación veciñal o traballo que desenvolve e […]